Fact check定係懒醒?

刊登于 2017-05-25By 明镜All, 人生思考, 生活文化, 香港小故事

Fact check定係懒醒?

cc photo by flickr user Mike Petrucci

21世纪资讯爆炸,但人类嘅判断力同逻辑思考能力并无随着资讯流通而改善,反而係出现咗一堆人喺有人提出问题嘅时候丑尽六壬去打压提出问题者,为嘅只係证明自己醒过人,变相帮当权者维稳。近两日咁啱我就见到两个例子,可以同大家分享下。

为咗强调呢个唔係香港人先有嘅现象,我先讲外国例子。话说近几日流传俄罗斯有个网络游戏Blue Whale Challenge令过百个年轻人自杀,原本我就无咩太多兴趣嘅,今日见有page讲开会唔会有人刻意引入香港残害年轻人,我就上网搵下资料,一搵就又见到个fact check网站Snopes,而且又係用同一个approach指控各大传媒网站共用同一个外文source,而且喺翻译嘅时候出错。其实我就真係比较怀疑顶级传媒无专业翻译人才亦无人负责做fact check嘅机会率有几高,上一次就听讲係一个德文传媒访问美国教授刊登完德文之后个传媒自己翻译英文出错,虽然我唔太信德国人英文有咁差,做嘢有咁唔小心,不过我就无研究,今次终于撞正佢仆直…

话说Snopes网站就喺5月10日updated过一篇文,话由2017年2月开始有英文网站声称「蓝鲸游戏」喺俄罗斯导致过百年轻人自杀,係源于错误演绎俄罗斯网站Novata Gazeta嘅故事,仲话今年5月开始喺英文传媒出现关于游戏创办人Phillip Budeikin嘅报导全部源自网站saint-petersburg.ru一篇11月嘅一篇报导,根本无办法证实「蓝鲸游戏」嘅创办人係咪Phillip Budeikin,佢係咪被有关当局扣留,个游戏又係咪真係令咁多年轻人自杀。可惜,啱啱喺5月11日BBC就出咗篇报导话Phillip Budeikin喺1日前已经喺法庭上承认煽动他人自杀。今次Snopes网站扮有批判思考失败…

另一件事咁啱就係全城热话嘅「桥底姦劫案疑犯喺羁留室自杀」事件。由于我无入过羁留室,所以虽然我不嬲都觉得自己破案能力同福尔摩斯同级(我真係有睇哂Bantam Classics两本),都无咩特别发表意见喺羁留室入面係咪无可能自杀。相反,我只係随便喺某啲page提及两点:1. 拉到疑犯之前係话疑犯年约30岁,而拉咗嘅疑犯係48岁。2. 被捕疑犯犯案纍纍,坐过唔少监,自杀嘅可能性唔高。估唔到连咁简单嘅观察都可以有人质疑,有个阿婶走出嚟话唔出奇,贴完林志颖贴舒淇相…一个饱历沧桑年近五十嘅惯犯原来个样可以同四十岁(我唔知张相有几新鲜,两位现年42岁)、靠样搵食嘅明星相题并论,真係神奇。无脑唔紧要,何必质疑人哋嘅观察呢?可惜,咁啱一日后疑犯大佬指出同样疑点,话佢细佬容貌苍老,年近五十,点睇都唔会係年约三十。

虽然原本无打算讲,不过既然讲开就顺便啦。宜家个传媒版本就係疑犯喺羁留室内伸手向两呎以外嘅电脑LAN线,扯走再用嚟自杀。LAN线其实扯唔甩呢点咁多人讲我就唔讲喇,我讲究竟佢掂唔掂到两呎以外嘅LAN线啦。疑犯身高167cm,亦即係5呎6吋。报导话佢经常去健身室,身形健硕,亦即係话佢膊头同膊头之间嘅距离应该係大约18吋(可以有少少出入,不过无可能得16吋),亦即係话佢由中指第二节到腋下嘅长度应该唔够两呎(中指第一节再加食指第一节唔足够发力),即使忽略老鼠仔太大只会穿唔过度闸呢点。咁啱一哥卢伟聪就话出咗验尸报告,虽然佢讲嘅版本就业余到好似佢亲自操刀咁…我唔知咩叫初步结果啦,可能未解剖啩,净係讲咗颈上面有绳痕,係窒息而死,毕竟自己勒、被人勒、生前勒、死后勒都可以有勒痕嘅,佢讲咗等如无讲。唔知会唔会专业到好似日剧嘅解剖咁,连只手有几长都包埋呢?吖,提多句,其实吊颈嘅死因可以係勒断颈骨,而唔需要负重太大嘅…